صــــــــديــــــــقـــــــــي

كثيرا ما تضيق الدنيا.. ويصبح نور الشمس في وضح النهار ظاهرة نادرا ما تحدث...
يمتللؤ قلوبنا بالآلام .... وتفيض اعيننا بدموع الآهات.... وتتفجر رؤوسنا من شدة الضغوطات ......
عندها ... يطرق إنسان باب قلبك.. يحمل من همومك ... ويبسط لك طريقك... ويمسح لك دمعك.... ويجعل على كتفيه رأسك....

عندها فقط... تدرك انه يستحق منك الموت... يستحق ان ترفع للسماء يديك.... وتدعو خالقها ان يبقيه أمام عينيك... فهو في حنانه كانه أحد ابويك...

انت يا من جعلت مني أخضرا بعد موتي... انت يا من زرعت في قلبي الأمل.. ونزعت من روحي أسباب الفشل

انت من علمتني نطق كلمات الحياة.... انت من جعلت في روحي أدة

انت يا صديقي في حنانك غمرتني .... ومن عطفك أرجتني.... وفي أصعب الموقف انقذتني...

فهل لديك هذا الشخص
الذي يستحق ان تناديه بصديقي ؟؟

ما في اجمل من الصداقة الحقيقية اللي بتكون نابعة من القلب الصافي
ان شالله على طول بنلاقي الصديق الوفي

مشكور عاشق
تحياتي

a7la smoor b3d tool 3'yab

walla sht2nalk

elmohem wen hal3'ebe

الصداقة ان تبقي من صادقت سعيدا

وأن تبذل كل ما في وسعك ليبقى كذلك

سؤال هل يمكن ان تنمو الصداقة بين شب وبنت وهل ممكن انها تكون صداقة حقيقية وتدوم عطول؟؟أكيد بسأل بظل مجتمعنا؟؟

شكرا ريم وعامر على مروركم الحلو
عامر الصداقة بين الشب والبنت صداقة حلوة ورائعة وحتى بمجتمعنا
بس ما بدوم
دايما الها نهاية ونهايتها مش بيد اي طرف من التنين او بسببه
ولكن نهايتها زواج كل طرف

مشكور ابو السوس على الموضوع
وحلو الواحد يكون عندو صحاب كتير بس الاحلى انو يكون عندو صديق واحد او تنين

اما لسؤال عامر الصداقة بين الشب والبنت موجودة خصوصا في عمرنا هاد بس انا برأيي عنا صداقة فاشلة

حبيبي يا ابو الجود
الصداقة بين الشب والبنت حلوة
وهي مش فاشلة
بس نهايتها اكيدة
وانه زواج احد الطرفين

بجوز تكون مش فاشلة بس قليل لما تلاقي هيك حالات بعدين انا قصدت في مجتمعنا
وفي مجتمعنا يا بتلاقي البنت بتضحك على الشب او بدها اشي منو او العكس وقليل لما تلاقي صحبة بين شب وبنت دامت فترة طويلة
مع انو انا معك انو احلى هي احلى صداقة

ما في صداقة بين شاب شاب وبنت لانو الا يكون هناك جانب مخفي من وراء اي تعامل ظاهر

خاصة بمجتمعنا المتحفظ

ممكن يكون في زمالة دراسة محدودة جداا جدا لكن صداقة؟؟
مستحيل يكون في بين بنت وشاب شي اسموو صداقة بالمرة

اقتباس :

كلمات بغاية الروعة
سلمت يمناك

اسمح لي ان اضيف على موضوعك بعض ما قيل في الصداقة

( أجمل ماقيل عن الصداااقة )

كلمة فوق الكلمات ..

معنى فوق المعاني ..

وأي كلمة ؟؟؟

كلمة تسرح بها في خيالك .. لعلك تصل الى بحر ليس له نهاية

كلمة تحلم بها دائما .. تتمناها .. تتوق لتحقيقها

حروف هذه الكلمة.. ليست كالحروف ..

ص : الصدق

د : الدم الواحد

ي: يد واحدة

ق: قلب واحد

الصداقة كالمظلّة

كلما إشتّد المطر

كلما إزدادت الحاجة لها

الصداقة لا تغيب مثلما تغيب الشمس

الصداقة لا تذوب مثلما يذوب الثلج

الصداقة لا تموت

إلا .. اذا مات الحب

الصداقة ود وإيمان

الصداقة حلماً وكيان يسكن الوجدان

الصداقة لاتوزن بميزان ولاتقدر بأثمان

فلابد منها لكل إنسان

ثمار الأرض تجنى كل موسم .. لكن ثمار الصداقة تجنى كل لحظة ..

الصداقة هي الوردة الوحيدة التي لا أشواك فيها ..

الصداقة هي الوجه الاخر غير البراق للحب , ولكنه الوجه الذي لا يصدأ ..

الصداقة عصفور بلا أجنحة ..

فمن هو الصديق الحقيقي

وهل يوجد صديق في هذا الزمان ؟

** الصديق الحقيقي **

هو الصديق الذي تكون معه,

كما تكون وحدك

** الصديق الحقيقي **

هو الذي يقبل عذرك و يسامحك إذا أخطأت

و يسد مسدك في غيابك

لعلك تحاول الوصول لها .. وقد لا تصل .. فاعلم انك ستجد في النهاية أروع مما كنت تحلم به ..

شخص عزيز ..وفي .. بئر لكل أسرارك .. لتبني معه أقوى جسر لا تهدمه الرياح مهما كانت قوتها

ستجد في النهاية .....

شخص يعينك ..

يبكي لبكاءك ..

يمسح دموعك ..

أخ يساندك .. يعاونك .. يحبك أكثر من نفسه

بالنسبة لسؤال عامر
انا بقول انو ممكن تكون في صداقة حقيقية بين الشب والبنت وحتى لو انتهت بزواج احدهم بس هاد ما بيعني انو صداقتهم انتهت (انا مش عارفة شو العلاقة بين الزواج والصداقة)
صح قليل انو تلاقي هيك نوع من الصدقة بمجتمعاتنا بس مو اشي مستحيل

عامر انا حابة اعرف رايك

مشكور من جديد سامر
ننتظر جديدك

والله يا باتر فلاي صار لازم انا اللي اشكرك
يعني ردك هاد
بدو موضوع لحاله

وثانكس كتير

شكرا كتير الك سامر
هاد من زوءك
ومن بعض ما عندكم
يعني لو ما كان موضوعك حلو وبيستاهل ردود حلوة ما كنت حسيت انو ردي حلو

ثانكس اغين

ok bato

انا بصراحة بختلف ع معظم اللي حكيتو

وبصراحة اكتر متفاجئ كتير من اجاباتكم اللي ما كنت متوقعها

أول شي ممكن تكونو مو فاهمين معنا الصداقة صح(وجهة نظري وبتمنى ما حد يزعل)

ليش؟؟

لأننا الصداقة ما رح توقف عانها تكون بين شب وبنت او غيرو

الصداقة انبل بكتير من هيك

ببساطة انا بعتقد انو ممكن تكون صداقة بين شب وبنت وبتوقع تكون اقوى واحسن وأروع من اي علاقة تانية

مهو ما تفكرو كلامي انو نابع من قلبي ومن عقلي

انا اؤمن في الصداقة بين الشاب والبنت وبحترمها اكيييييييييد
لكن كتبت ردي نتيجة لما نعايشه في واقعنا
مجتمعنا متل ما ذكرت ما بفسر وقفة بنت مع شاب او اي تصرف بعملوه على انهم اصدقاء

بدكم تقنعوني انو الاهل بفهمو اشي اسمو صداقة بين شاب وبنت؟؟؟؟؟؟

ريم انا معك بمعظم اللي حكيتي

حتى اني لدرجة صرت اتدايق من المجتمع وتفكير الناس

بس في شي مهم جدا بدك تعرفي

انتي صعب جدا تغيري عقول البشر

عشان هيك انا شخصيا بعمل كل شي بلاقيه صح

وبحاول ابتعد عن كل شي اناس بعتبرو شي سيء

على الرغم انو صح

بس احيانا بنضطر نعمل شي مو مقتنعين فيه

ممممممممم
عامر حكا اشيين عجبوني

الاول كتير حلو وهو
انو الصداقة اسمى وانبل من انها تميز بين شب

والتاني كتي واقعي وهو
انو عادات مجتمعنا بتجبرنا نعمل اشياء مو مقتنعين احنا فيها

عاامر انا معك بفكرتك انو لازم نعمل اللي بنؤمن فيه دايماااا

بس احنا لساتنا ضمن نطاق مجتمع له اصول وعرف وعادات
وين ما لفينا راسنا بنلائيه وائفلنا بالمرصااااااد
احنا لسى عايشين فيه لهلمجتمع

بس السؤال اللي براسي
ليش الاسرة بتخلي الطفل يتربى على مفهوم العيب دايما؟؟
يعني بتصورلو انو اذا حكى مع بنت بكون اخر يوم الو بالحياة
ليش التربية الصحيحة ما تكون مبنية على الاتزان والتعريف الصحيح بهالاموور؟؟

يعني التوجيه الو دور كبيرررر بحياتنا
ولانو ما تربينا من الاسرة على هالمفهوم رح نشوفو غريب وعيب وحرام وكل شي

bato

شكرا كتير عتعليقك

ريم انا معك انو احنا في المجتمع لسانا بس انا ما حكيتلك تعملي شي بيناقد المجتمع

لاننا فعلا لسانا في هاد المجتمع

بضم صوتي لإلك وبحكي انو لازم يكون في اعادة تقييم لمفهوم العيب في ذهون الناس

وهون بيجي دورنا كأجيال صاعدة في هاد المجتمع

انا براي احنا قادرين على انشاء علاقات صداقه بين الصبايا والشباب وهاد بيرجع لالنا بما انوا بتقومم عندنا علاقات بين الصبايا والشباب مبنيه على اي شئ غير الصداقه ففينا نخليها صداقه كمان يعني ما بصير نرمي كل شئ على المجتمع باعتبارنا قادرين على انشاء علاقات اخرى صحيح انو المجتمع الو دور كبير بس كمان احنا النا دور
ريم انا معك ما بعرف شو مفهوم العيب عنا يمكن احنا فهمنا من اهالينا بشكل اخر
هاد شئ مهم لازم نعرفه برايكم ما مفهوم العيب؟؟؟؟؟؟؟؟

انا شخصيا بقيم العيب بكل شي خارج عن نطاق الدين يعني الدين بعتبرو حرام

وجهة نظري

كلام سليم