نقل فؤادك حيث شئت من الهوى.............ما الحب الا للحبيب الاول
كم منزل في الارض يألفه الفتى..................وحنينه ابدا لاول منزل
تسمحولي احكي رأيي بالموضوع
انا بنظري انو الحب ما بكون الا مرة وحدة بالحياة
لانو الواحد مستحيل يقدر يحب اكتر من بنت وحدة
وبتوقع انها البنت كمان نفس القصة يعني ما بتقدر تحب اكتر من شب واحد
واذا صار وكان في اكتر من بنت بقلب الشب اكيد رح يصير لخبطة بالمشاعر وهون بخسر الحب قيمته بالتأكيد
لانو الحب عبارة عن مشاعر صادقة واحاسيس رائعة وأمنيات وأحلام يتمنى الشخص تحيقها
اما لو اجينا لموضوع الحلال والحرام
فأنا رح ابدا هالجملة بالحكي اللي ذكرو احد الاعضاء وحكى انه احنا ما بنقدر نحكم مشاعرنا
وهاد الاشي صح
احنا بشر والبشر مخلوق من احاسيس ومشاعر
ومستحيل حد فينا يقدر يحبس مشاعره واحاسيسه خاصة الحب
قرأت اكتر من مقالة وكتب ومواضيع عن موضوع الحب واللي بحب يتعمق فيكم بالموضوع يحكيلي انا بزودو باسم مواقع وكتب وفتاوى بتفصل الموضوع بالدقة
وصعب هون اكتب كل الحكي اللي قرأته او اني انسخ الكلام بهالصفحة
اما الخلاصة اللي استنتجتها انه الحب شعور بالانسان اذا عرف يحافظ عليه فهو حلال
اما اذا دفعه الحب للخطأ فهو حراااااااااااام شرعا
وما تستهينو يا جماعة بالخطأ القليل
يعني حتى حكي الشب مع الصبية في الجامعة او اي مكان هو خطأ بحد ذاته
وهون بكون دخل الحب في الحرام
حتى لو الشب كان صادق في نيته بالحب
والبنت كذلك
واذا كان الشب صادق بقدر يأكد صدقه بالخطوبة
وبعد الخطبة احكو اللي بدكم ياااااااااااا ما حد مانعكم
واذا الشب حيحكي الوضع صعب والخطبة صعبة معناها يكتم حبه بقلبه لحد ميصير الوضع سهل ويقدر يخطب
والبنت ويا اخواتي البنات بتوقع ان البنت ما بترضى انو حد يضحك عليها او يلعب بمشاعرها وبالاخر يكون بتسلا ويتركها بشكل مهين
البنت اللي بدها مصلحتها وبتخاف عحالها وحاطة سمعتها وشرفها بأشرف وأعلا مكانة ما بترضى انه شب يحكي معها بالموضوع من غير خطبة
وفي كتابات كتيرة بتأكد انه الحب اللي بيجي بعد الزواج هو اللي بكون الحب الحقيقي والدائم
لانو بكون نتيجة للاستقرار والتفاهم
اما اللي بحب البنت لسواد او زراق عيونها او لانها ذكية او حلوة او اي سبب
هاي الاسباب ما بتكون اسباب حقيقية للحب
مع انها بتكون اسباب جوهرية للحب ولكنها مش الاساس للحب
لان اللي بحب للجمال فالجمال مش دائم والاسباب كتيرة وانتو بتعرفو اكتر مني
على فكرة الموضوع شيق ومتشعب واسف عالاطالة
ويحضرني بيت الشعر لعنترة اللي كان يحب جارته عبلة ويا جماااااااااعة هاد الحكي بالجاهلية يعني قبل الاسلام
فإذا كان هالحكي قبل الاسلام فمن الاولى ان احنا المسلمين نكون احسن من هيك من ايام الجاهلية يعني
يقول عنترة:1
واغض طرفي ان بدت لي جارتي ............حتى يواري جارتي مأواها
مع انه كان عنترة يمووووووووووووووووووووووووووت فيها لعبلة والكل بتوقع بعرف وقصة عنترة وعبلة مشهورة وما بدها حكي
وما بتوقع انه في اليوم حب صادق مثل هيك
يعني مع انه كان يحبها حب جنوني لكن اذا كانت محبوبته تطلع من الخيمة او توقف عباب الخيمة ما كان ينظر الها ويستنى لما تدخل البيت حتى يمر من المكان!!!!!!!!!!1
احنا اليوم للاسف بنكون نستنى ايمتى هالمحبوبة تيجي ونقعد ناكل بزر ونضحك ونتسلا وارقام تلفونات ومسجات وحكي طالع نازل وبالاخر الله اعلم الحب في منو ولا لأ
وصدقوني انا بعرف اكتر من قصة صارت معنا بالجامعة والشب طوووووووووول نهاره لازق البنت وهي ماشالله عنها مستنية تتخرج عشان يخطبها
بالاخر بتخرج الشب و بنسى انو في بنت ضيع طول ايامه معها
تقبلو مروري وسامخوني عالاطالة
الأحد يونيو 22, 2008 7:28 pm
السلام عليكم ايها الاعضاء الكرام 
1