ليلة رومنسية...عقبال عندكم هههههههههه

ليلة رومانسية

خلف فجأة : ولك يا قردة شكلك ناسية انو مثل هاظ اليوم قبل سنتين كان اول مرة بشوف سنحتك وبنحب بعض, يعدمني جدوقك شو ناسية.

شفيقة: والله جد ولك تفو عليك شو بحبك , بعدك متذكر يا مقلعط؟

خلف : هووووه , هو الي بشوف هالشكل الي بقطع الرزقة بنساه؟

- شفيقة:هاهاههاهاهاهاها يلعن شكلك شو حكياتك حلوين وهاظ الي معلقني فيك, تتذكر اول مرة تلقينا ؟

- خلف :هههههههه هو انا بنسى؟ ,, يوم ما حطتلك رجل وانتي ماشية مع امك وقلبتي على بوزك؟

- شفيقة:ولك الله يقطعك شو رومانسي, كيف هيك تجرأت واتخذت هاي الخطوة الجريئة؟ , جد انا بحب الشب المبادر والقلبو قوي

- خلف :يالله عاد هسه بدك تكبري راسي وتظلك تمدحي فيي؟ ,, انتي كمان بزقتي علي يومها تتذكري؟ , والله ما بنسى بزقتك وهي بتتدلى على وجهي وبتنزل شوي شوي,, يومها عنجد عرفت انك بتحبيني ..

... شفيقة: آه والله يا خلوفتي انا ما بزقت عليك الا لأني بحبك,,

.يا قلبي انتي خلف :

-حياتي . شفيقة:

- طيب تتذكري يوم دخلتنا؟ خلف :

- شفيقة:ههههههههههه ما بنساه ,, يلعن شكلك --- لو كنت بحبك مرة صرت أحبك ألف مرة بعد هظاك اليوم, يوم ما اقترحت علي انو نتباطح والي ببطح الثاني 3 مرات هو الي بنام عالارض والفايز بنام عالتخت .

- خلف :يالله يومها شو انبسطت, بس صحيت ثاني يوم مكسره عظامي من النومه عالارض .

شفيقة: ماهو يا خلف انا بطحتك 5 مرات .

خلف :- لا والله بس بطحتيني عالارض 4 مرات,, آخر وحدة مش محسوبة.

- شفيقة:كيف مش محسوبة بطحتك المرة الخامسة لما دعست على رقبتك ناسي؟

- خلف :هو هووو علينا خلص مو مشكلة يا ستي بطحتيني خمس مرات,, هسه ما تظيعي علينا الاحتفال بهاي الليلة الي ما بتتعوض .

- شفيقة:والله معك حق, خلص شو رأيك انا اليوم رح اخليها ليلة رومانسية بشكل ,,

خلف :- شو رح تعملي؟

شفيقة:انت ما عليك بس حظّر الشمع واشعله وسكر الظواو وهسه باجي .
وما ان اشتعل الشمع الا وخرجت شفيقة من المطبخ حاملة صحن كبييييييير مجدرة,, فإنغمرت عيون خلف بالدموع فرحا, حمد ربه ووعد شفيقة بأن يبقى مخلصا لها ..
فما كان من شفقية الا ان طلبت منه بوسه ,, فلما لفلها خده عضت أذانه فضحك وضحكت ,,
وبقيو على الطاولة يأكلون المجدرة لأخر الليل,, ويقال انهم الى الان ياكلو بالمجدرة

عقبال العزابية

هههههههههههههههه
يا الله على الرومانسية تبعتهم

شكرا معتز

اهلا فييييييك

يا كبير المنتدى

تحياتي أخ طارق

يا الله شو رومنسية هاي القصة شكرا معتز

وانا التاني والله مو عارف كيف هالرونسية

أعجبتني حبيت انكم تقرأوها وتضحكوا
شكرا الك يا أحلى فارس

تحياتي

ههههههههههههههه
عقبال عندك يا معتز هههههههه
شكرا على الرومنسية الي ما في بعدها

اخخخخخخخخخخخخخخخخخ يا وجدي

والله ما في احلى من هيك رومنسية

هههههههههههههههههههههههههههههههه
ههههههههههههههههههههههههههههههههههههههه

والله جد عقبال العزابية ههههههههههه

بتجننننننننن يسسسسسسسسسسسسسلموا معتززززززززززز lol!

اهللللللللللللللللللاااااااااااا حبيبي

تحياتي يا كبير نورت الموضوع

وين هالغيبة؟؟؟

» يللا شباب بدي أشوف الذكاء
» صور رومنسية ...يا رب تعجبكم
» كيف تشرب الببسي بطريقة رومنسية